Не се гњавите со паркирање, не чекате во ред, не се грижите дали ќе завршите пред затворањето. Особено кога почнуваат тие предпразничните турканици. Освен тоа, можете да купувате доцна навечер, дури и во недела, секогаш има промоции и попусти во понудата, што е можност за заштеда на пари, како и можност за достава.
Доволно е само да го изберете она што ви е потребно и да кликнете на копчето „Плати“.
Колку е безбедно сето ова?
Европската Унија се погрижи за тоа. Сите кои нудат платни услуги на нејзино подрачје (т.е. трговци, компании за кредитни картички, банки итн.) мора да обезбедат системи што ќе овозможат повеќе начини за потврдување на вашиот идентитет при вршење наплата.
Ова се нарекува повеќекратна автентикација. На почетокот звучи комплицирано, но не е. Идејата е едноставна: можете да го потврдите вашиот идентитет со кои било два од трите елементи: нешто што го знаете (да речеме, лозинка или ПИН), нешто што го имате (како мобилен телефон) и нешто што сте (отпечаток од прст или скенирање на лице).
Ако имате мобилен телефон опремен со читач на отпечатоци од прсти или скенер за очи/лице, тоа значи дека веќе имате сè што ви треба при рака. И дури не мора ни да помните лозинка!
Невидлив заштитник
Како одговор на ова барање на Унијата, технолошките компании во индустријата за плаќање, како Mastercard имаат решенија за побезбедно онлајн купување.
На пример, нивната Mastercard Identity Check се активира ако вашата банка забележи плаќање со вашата картичка што им изгледа барем малку сомнително. За да проверите дали сè е во ред, вашата банка ќе ви испрати известување за тоа преку нивната апликација.
Потоа треба да проверите дали сè е во ред и да ја потврдите трансакцијата со биометрија (отпечаток од прст или скенирање на лице, кое, ќе се согласите, е најбрзо), m-токен или еднократна лозинка. И тоа е тоа. Трансакцијата е завршена, вашата безбедност е загарантирана. Можете да продолжите со другите работи во животот.
Mastercard исто така „ја токенизира“ вашата картичка.
Па што прават тие, зошто го прават тоа и како ви помага?
Па, ги конвертира податоците од вашата картичка во друг број (дигитален токен), така што вистинскиот број не мора постојано да патува онлајн и да биде изложен на можна кражба.
Тој нов број - токенот - е уникатен за секое од вашите специфични купувања, само е бескорисен за кого било освен за Mastercard кој знае како да го дешифрира за да ве идентификува.
Дури и ако злобните хакери успеат да провалат во продавница и да ги украдат податоците што ги има, тоа нема многу да им помогне бидејќи тоа не се вашите вистински лични податоци.
Ваквите дигитални токени можат да се користат преку мобилни телефони, паметни часовници и други дигитални уреди со кои плаќате, како што нормално плаќате, само што е значително побезбедно.
Совети за побезбедно купување
Секако, сепак е мудро да се следат основните мерки на претпазливост при купување преку интернет, па затоа накратко ќе ве потсетиме на нив.
Купувајте во продавници што ги познавате
Внимавајте на веб-страниците со правописни грешки или необични домени (на пример, .net наместо .com), за да не бидете измамени од лажен домен.
Дали имаат катанец?
Ако не гледате мала икона слична на катанец покрај веб-адресата, не купувајте. Таа веб-страница не е толку безбедна колку што треба да биде.
Проверете ги трговците
Внимателно проверете ги рецензиите. Ако се само позитивни или се многу малку, тоа е сомнително. Од друга страна, ако е лесно да се контактираат (телефон, е-пошта, разговор), тоа е плус.
Не им ги давајте сите ваши лични информации
Не треба да го знаат вашиот датум на раѓање, моминското презиме и слично.
Не купувајте преку јавно достапен Wi-Fi
Подобро е да го користите вашиот личен мобилен хотспот. Ако мора да користите Wi-Fi, овозможете виртуелна приватна мрежа (VPN).
Користете безбедносни апликации
Инсталирајте антивирусни и “antimalware” апликации, ажурирајте ги редовно и скенирајте го вашиот уред. Овозможете алатка за менаџирање со лозинки.
