Многу фитнес ентузијасти ја одржуваат и подобруваат својата кондиција со пешачење, а се повеќе оваа едноставна активност се користи и во борбата против килограмите. Имено, со контролирана исхрана и внимателен внес на калории, пешачењето може да помогне да се намали бројот на вагата, пренесува Woman’s day.
Предности од пешачење:
- Подобрување и зачувување на здравјето на срцето: 17,5 милиони луѓе годишно умираат од кардиоваскуларни болести – кои исто така се водечка причина за смрт и инвалидитет во светот – затоа зачувувањето на здравјето на срцето треба да биде приоритет. Истражувањата покажуваат дека пешачењето го намалува ризикот и придонесува за долговечност.
- Промовирање на менталното здравје: Редовното одење и физичката активност имаат бројни придобивки за менталното здравје и помагаат да се намалат симптомите на депресија и анксиозност.
- Борба против дебелината: Дебелината нè става на ризик од неколку хронични болести, вклучувајќи срцеви заболувања, дијабетес, па дури и одредени видови на рак, а истражувањата покажуваат дека дебелите луѓе одат помалку од оние со здрав индекс на БМИ и дека оваа активност се намалува пропорционално со зголемувањето на телесната тежина.
Максимизирање на NEAT: Термогенезата со активности без вежбање (или NEAT) е енергијата потрошена во нешто друго освен за вежбање и спиење. Шетањето, миењето садови, чистењето на домот и генерално движењето во текот на денот придонесуваат за повеќе NEAT. Ако одите за да изгубите тежина, NEAT може да ви помогне да ги достигнете вашите цели бидејќи сите горенаведени активности помагаат во согорувањето на калориите.
Нутриционистката и консултант на порталот за Woman’s day Стефани Сасос, вели таа, до неодамна се борела со некој килограм вишок, на што особено помогнало секојдневното пешачење, па има неколку совети за сите кои пешачат да ослабат:
Проверете ја прогнозата
Не сакате да ве фати бура на половина пат, затоа учете од моите грешки, вели Сасос.
– Почнувам да пешачам околу 17 часот, но секогаш ја следам прогнозата, па ако треба пешачењето го префрлам за ручек – вели Сасос.
Хидрирај се
Ако одите на долга прошетка, внимавајте на хидратацијата: 30 до 60 минути пред да одите на прошетка, испијте две чаши вода, а кога ќе се вратите уште една за да го рехидрирате телото. Освен тоа, избегнувајте газирани сокови или пијалоци со електролити бидејќи ако одите со умерен интензитет, водата е сосема доволна.
Набавете вистинска опрема
Фрлете ги старите апостолки и одете во добри патики; ова ќе ви помогне да одржите подобро држење на телото и да ги намалите шансите за повреда. Покрај тоа, вистинските патики можат да го подобрат вашиот чекор и да го направат поудобно одењето на подолги растојанија.
Фокусирајте се на формата
Самото одење не бара никаква вештина, но одредени положби на телото можат да го олеснат одењето. Држете ја брадата нагоре, рамената и грбот исправени, додека одите обидете се да го стегнете задникот, за што ќе треба да се потпрете на петиците.
Зголемете го темпото
Интервалното пешачење е одличен начин да согорите дополнителни калории и да ја направите вашата прошетка поинтересна. Постојат три различни типа на одење: пешачење (слично на купувањето со излози, со тежина од три до четири на скала од десет), брзо одење (со тежина од четири до пет) и моќно одење (тежина од пет до шест). Загрејте се со прошетка, а потоа стремете се кон брзо темпо за да го забрзате пулсот. Кога ќе стигнете до моќно одење, следете колку долго можете да одите така, па со секое излегување зголемувајте го тоа време за неколку секунди…
Поставете си цел
Колку далеку можете да одите за 30 минути или еден час? За да го оптимизирате вашето одење, обидете се да целите два и пол километри за 30 минути или пет за еден час, што е многу брзо.
Одете по угорница
Ако сте во затворен простор, лентата за трчање или велосипедот ќе ви овозможи да го промените наклонот, што може да го подобри вашето согорување калории, а ако сте на отворено, побарајте ридско подрачје: истражувањето вели дека зголемувањето на наклонот може да го зголеми интензитетот на вежбање, а истовремено го намалувате отпорот на нозете и зглобовите.
Прошетка со пријателите
Пријателите можат да ви помогнат полесно да истраете во вашата цел; најдете некој кој има време и волја неколку пати неделно да одите заедно на прошетка со цел дополнително да ве мотивира, советува нутриционистот…
