Бред Пит и Џорџ Клуни ги играат главните улоги во новиот филм „Волци“, а во инсертот од оваа продукција се слуша како Пит пцуе, на нашки.
За време на напната сцена со свадбениот танц, Клуни и Пит вперуваат пиштоли еден кон друг, а на крајот може да се слушне Пит како вели „П*** матер“.
Во истата сцена, непосредно пред тоа се појавува хрватскиот актер Златко Буриќ, кој на двајцата им се обраќа со реченицата: „Оладете, да ви ****!“
Буриќ во филмот глуми руски мафијаш, па се претпоставува дека сценаристите всушност сакале да пцујат на руски, но веројатно згрешиле.
Во филмот, Клуни игра професионален криминалец кој има задача да прикрие криминал од висок профил. Но, кога Пит, ангажиран за истата работа, ќе се појави на местото на злосторството, двајцата „волци-самотници“ мора да ги здружат силите.
Инаку, филмот „Волци“ ја имаше светската премиера минатиот месец на филмскиот фестивал во Венеција, кога Бред Пит и Џорџ Клуни приредија спектакл на црвениот тепих.
На 27 септември филмот беше објавен на стриминг платформата Apple TV+, а на Јутјуб се појави клип од сцена во која Пит изговара позната пцовка од Балканот.
