Како одговор на тоа, градските власти на Бангкок формираа повеќе од 300 бесплатни центри за разладување за да обезбедат олеснување, бидејќи условите на отворено стануваат сè понеподносливи, пренесе ДПА.
Од 1 април, индексот на топлина – мерка која ги комбинира температурата и влажноста на воздухот – постојано се задржува во критичниот опсег од 42 до речиси 52 степени, соопшти локалната администрација на Бангкок.
Иако април традиционално е најтоплиот месец во Тајланд, температурите значително пораснаа во последните години. Властите предупредија дека продолжената изложеност на топлина носи сериозни здравствени ризици.
Жителите се повикани да избегнуваат директна сончева светлина и да внимаваат на симптоми како вртоглавица, исцрпеност и топлински грчеви, особено за време на најжешките часови околу пладне и попладне.
Мрежата на центри за разладување вклучува стотици климатизирани објекти, како библиотеки, здравствени центри, училишта и владини згради, надополнети со засенчени отворени површини.
Одзивот е голем, со десетици илјади регистрирани посетители во првите недели, објави „Bangkok Post“. Многу луѓе ги користат центрите не само за да се разладат, туку и за одмор, работа или учење, додека туристите и побогатите жители имаат тенденција да бараат спас во климатизирани места како ресторани и трговски центри.
