Доколку сакате да се ослободите од вишокот килограми и масните наслаги, првото нешто што треба да го промените е вашата исхрана. Многумина од нас имаат проблем да изберат производи што ќе ги вклучат во менито и ќе се придржуваат до тоа.
Но, за среќа, на Инстаграм профилот на нутриционистката Славица Стојановиќ се појави објава со листа на намирници кои таа ги препорачува доколку сакате да ослабете.
Како што напишала покрај објавата, не е важно само да сте во калориски дефицит, важно е и каква храна бирате, како и тоа што треба да јадете таканаречена „цела храна“, односно храна богата со хранливи материи.
„На патот кон поубав изглед и поздраво тело, ќе видите одлични резултати и напредок кога ќе почнете сами да правите оброци и да јадете храна богата со хранливи материи“, вели на својот Инстаграм специјалистката нутриционист-диететичар Славица Стојановиќ.
Според неа, тоа се одлични извори на протеини кои може да се најдат во секоја самопослуга: посно мелено говедско месо, пилешко бело месо, ослиќ, јајца, туна, грчки јогурт со малку маснотии.
Листата вклучува и извори на здрави масти како авокадо, јаткасти плодови (бадеми, индиски ореви, лешници..), маслиново масло, темно чоколадо, семки од тиква, лен и семки од чиа.
За списокот на намирници да биде апсолутно комплетен, потребни ви се и извори на јаглехидрати како ориз (интегрален, но и бел), киноа, леќа, грав, грашок, овошје (особено јаболка, банани, лубеница и бобинки) и, секако, зеленчук (со акцент на брокула, прокељ, моркови, карфиол и пиперки). За сите љубители на слаткото, на листата се и урмите.
„Направете си листа за купување и за полесно да се држите до вашиот план, најдобро е да се држите до таа листа, без да додавате друга храна. Исто така, одете сити во шопинг бидејќи ако сте гладни и сакате да јадете нешто специфично (на пр. слатки), голема е можноста тоа да заврши во вашата кујна, а потоа во стомакот на крајот“, вели Славица.