Таа истакна дека Сент Луис има одлична гастрономска сцена и затоа нејзиниот тим сака да открива ресторани таму, вклучувајќи го и овој семеен објект познат по своите балкански специјалитети.
Ресторанот неодамна беше претставен во „Шоуто на Дру Баримор“, а го посети готвачката Пилар Валдес, долгогодишна соработничка на Дру Баримор. „Балкан Трет Бокс“ е забележан на американската гастрономска сцена со години, а оваа година Лорин Налиќ е меѓу номинираните за наградата „Џејмс Бирд“ во категоријата „Најдобар готвач: Среден Запад“.
Менито содржи јадења инспирирани од кујните на Босна и Херцеговина, Србија и Турција, а меѓу најпознатите се кебапи, сомуни и пиде. Ресторанот прво работел како камион за храна, а во 2019 година прераснал во постојан ресторан во Вебстер Гроувс во близина на Сент Луис.
Приказната за „Балкан Трет Бокс“ е тесно поврзана со животниот пат на Едо. Едо Налиќ избегал од Босна и Херцеговина во САД во 1990-тите, а носталгијата кон вкусовите на домот подоцна станала еден од темелите на приказната на ресторанот, пишува „Klix.ba“. Сакајќи да научи како да ги подготвува јадењата што му значеле дом, Лорин отпатувала во Босна и Херцеговина, каде што дознала за локалната кујна и рецепти. Од оваа лична приказна се родил концептот на ресторанот, кој денес привлекува гости од сите делови на САД.
Извор: Индекс.хр
