На изборот за Кралица на Евроазија 2024 кој се одржа во Анталија, Турција, титулата Miss Europe односно Кралица на Европа ја освои нашата Јулијана Ѓорѓиевска од Крива Паланка.
Оваа 26-годишна девојка на изборот ја претставуваше Македонија, во конкуренција на 30 убавици од исто толку држави од Европа и Азија.
Во театарот во Анталија, каде се одржа изборот, титулата Кралица на Азија и припадна на претставничката на Египет, а вкупна победничка е девојката од Русија.
Нашата Јулијана која гордо ја претстави Македонија е дел од Модното студио Црнокрак, кое ја поседува лиценцата за нашата држава за овој престижен интернационален избор за убавина.
Ова беше10., јубилејно издание на QUEEN OF EURASIA, во организација на агенцијата EURASIA STARS EMPIRE од Москва, Русија
