28-годишниот канадски пејач ги продаде своите права на Hipgnosis Songs Capital, пишува Variety.
Без разлика што договорот е склучен, извори велат дека тој ќе продолжи да биде под раководство и сопственост на Универзал со која соработуваше во текот на целата кариера. Мерк Меркјуријалис, основач на Hipgnosis Song Management, исто така даде официјална изјава за медиумите:
„Влијанието на Џастин Бибер врз глобалната култура е навистина извонредно во последно време. Ова е нашето најголемо стекнување на музички права, таква е големината на овој каталог кој има речиси 82 милиони слушатели месечно и повеќе од 30 милијарди стримови само на Spotify“, рече Меркуриалис.
Веста доаѓа во тежок момент за пејачот, само неколку недели откако тој ги одложи преостанатите датуми од неговата турнеја Justice „на неодредено следната година“. Турнејата, која првично требаше да започне во 2020 година, беше одложена неколку пати, првично поради пандемијата, а неодамна по неговата борба со синдромот Рамзи Хант, редок вирус што му предизвика парализа на лицето.
Конечно започна во март и го покри поголемиот дел од Северна Америка, но Бибер ги одложи преостанатите датуми на почетокот на јуни, откако ја објави својата борба со болеста. Доаѓа и во услови на општо заладување на неодамна загреаниот пазар на каталози, кој стана помалку атрактивен бидејќи бараните цени скокнаа, а каматните стапки и даноците на капиталната добивка се зголемија.
