Лас Вегас и CES ( Consumer Electronics Show) деновиве се дом на многу концепти со автомобилска тематика, со технологијата која допрва треба да дојде, а сега се најавува како нешто нормално. Без разлика дали таа технологија ќе дојде утре, за една година или за пет, истата веќе се тестира и сигурно е дека ќе ја видиме во нашетосекојдневие.
И BMW не пропушти да се приклучи на американското шоу и претстави интересен концепт со името i Vision Dee. Студијата ги прикажува и дизајнот и технологиите што ќе се најдат во идните електрични седани на BMW, вклучително и модел со големина од серијата 3, кој ќе биде изграден околу електричната архитектура Neue Klasse на брендот и може многу добро да се нарече i3, назив што е моментално се користи за ексклузивната, електрична серија 3 на кинескиот пазар со продолжено меѓуоскино растојание.
Предните светла се интегрирани во решетката со скршени форми, што сè уште потсетува на оригиналните „бубрези“ на BMW. Се заснова на остри линии со големи прозорци. Недостасуваат рачки на вратите, ретровизорите и сите отвори на каросеријата. Задниот дел е сличен на предниот со црни елементи во кои се интегрирани светлата.
Очекувано, внатрешноста е подеднакво неконвенционална со футуристички волан и максимално чиста. Контролната табла и вратите имаат екрани на допир, а системот iDrive се проектира на шофершајбната преку напреден Head-Up дисплеј. Слична технологија ќе видиме и во сериските автомобили на платформата Neue Klasse, која ќе дебитира во 2025 година.
Дополнителни детали за i Vision Dee ќе бидат објавени подоцна годинава кога BMW ќе обезбеди некои вистински технички спецификации. Во меѓувреме, знаеме дека М дивизијата веќе работи на EV со високи перформанси со четири мотори, а архитектурата Neue Klasse се конструира за (на крајот) да се сместат батерии во цврста состојба.
Првите автомобили од NE ќе се произведуваат во новата фабрика во Дебрецен во Унгарија од 2025 година, а Минхен ќе следи една година подоцна. До крајот на деценијата, фабриката во Спартанбург, Јужна Каролина ќе состави најмалку шест електрични теренци на новите подлоги.
Шефот за Efficient Dynamics на BMW, Томас Албрехт, минатата година изјави дека електричните возила нема да одат подалеку од 1.000 километри (621 милји) бидејќи тоа би било претерување.
Главниот директор за технологија Френк Вебер вети дека сопствениците ќе добијат 30 милји (48 километри) домет за секоја минута потрошена за полнење на батерискиот пакет. Вториот ќе биде околу 20 проценти полесен од сегашниот род на призматични ќелии и BMW очекува да ги преполови трошоците за производство поврзани со батериите и да ги намали емисиите на CO2 за 60 проценти во текот на производниот процес.
