Во несреќата, која се случи синоќа, загина машиновозачот на еден од возовите, Роберто Карденас, а како што изјави здравствен службеник, најмалку 20 повредени лица се во сериозна состојба.
Trains crash en route to Peru’s famed Machu Picchu, killing 1 and injuring 30 https://t.co/hPaHtLlosD pic.twitter.com/k8xMMLfjHP
— New York Post (@nypost) December 31, 2025
Двата воза се судрија на единствената железничка линија што води до древниот град на Инките, соопшти локалната самоуправа, а причината за несреќата сè уште не е разјаснета, објави денеска Би-Би-Си.
Локалниот медиумски портал Перу21 објави дека стотици туристи на местото на несреќата чекаат евакуација, што е комплицирано поради тешката пристапност на теренот околу локацијата.
A train driver was killed and 40 more people were injured in Peru after two trains collided on the railway leading to the Inca citadel of Machu Picchu, the Andean nation's top tourist site https://t.co/4zbPcazV2a pic.twitter.com/dKDhnjWKgV
— Reuters (@Reuters) December 31, 2025
Во соопштението се вели дека 20 амбулантни возила пристигнале на местото на настанот, а повредените се однесени во медицински установи во блискиот град Куско.
Амбасадата на САД во Перу соопшти дека меѓу повредените има американски државјани, но полицијата сè уште не ги потврдила идентитетите на сите вклучени во инцидентот.
Според концесионерот на железницата, во судирот учествувале возови од PeruRail и IncaRail, а полициски извори изјавија дека возачот кој починал бил вработен во IncaRail.
Снимките од местото на несреќата покажуваат дека предните делови на двата воза се сериозно оштетени, додека патниците со багаж биле згрижени покрај пругите.
JUST IN: 2 passenger trains collide in Pampacahua area of Peru on route to Machu Picchu; at least 15 injured, possibly more. pic.twitter.com/fUMqdAhrCT
— AZ Intel (@AZ_Intel_) December 30, 2025
PeruRail испратил три празни вагони за да ги евакуира повредените и патниците кои биле заглавени на пругите, додека полицијата испратила единици за итни случаи и планинско спасување за да им помогнат на патниците.
Регионалната влада на Куско активирала протоколи за итни случаи за да им помогне на повредените и патниците.
