„Двајца наркотерористи се убиени во оваа операција“, соопшти Јужната команда на САД на социјалната мрежа „Х“.
„Бродот го користеле одредени терористички организации и пловел по познати рути за трговија со дрога“, соопшти командата.
Информацијата не може да се потврди независно, додаде ДПА.
Од почетокот на септември, американските сили постојано напаѓаат бродови во Карибите и источниот Тихи Океан за кои тврдат, повикувајќи се на разузнавачки информации, дека превезуваат дрога.
Според официјалните бројки, повеќе од 100 лица се убиени во овие операции.
Американската администрација ги етикетира мажите како шверцери на дрога и „терористи“, но нападите предизвикаа остри критики.
Експертите за човекови права на ОН изјавија дека операциите може да го прекршат меѓународното право и да претставуваат вонсудски егзекуции.
On Feb. 5, at the direction of #SOUTHCOM Commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known narco-trafficking… pic.twitter.com/B3ctyN1lke
— U.S. Southern Command (@Southcom) February 6, 2026
