Шефот на Форо Пенал (Казнен форум), Алфредо Ромеро, рече дека неговата група ги потврдила идентитетите на 104 од ослободените.
„Би било идеално владата да објави списоци на ослободени“, напиша Ромеро на X.
Форо Пенал проценува дека има околу 800 политички затвореници во јужноамериканската земја, од кои многумина беа уапсени за време на протестите против спорниот реизбор на авторитарниот лидер Николас Мадуро во 2024 година.
На 3 јануари, американската војска ги зароби Мадуро и неговата сопруга Силија Флорес во напад врз Каракас. Двајцата сега чекаат судење во Њујорк за трговија со дрога и други обвиненија, потсетува германската агенција.
Долго пред операцијата, администрацијата на американскиот претседател Доналд Трамп вршеше притисок врз владата на Мадуро да ослободи политички затвореници.
Со најновите ослободувања, бројот на ослободени лица по американската операција се зголеми на најмалку 240, наведуваат различни организации, пренесува ДПА.
