Шеснаесетгодишно момче е уапсено денес во Јапонија под сомнение дека ги убил своите баба и дедо, кои биле пронајдени мртви во нивниот дом во централна Јапонија, соопшти полицијата.
Полицијата соопшти дека средношколец е осомничен дека го избодел својот 75-годишен дедо во петокот.
Неговата 72-годишна баба исто така била пронајдена мртва во куќата каде што живееле тројцата со уште двајца членови на семејството, објави „Кјодо“.
Момчето признало дека го убил својот дедо со нож, според полицијата.
Истрагата за смртта на неговата баба е во тек.
Еден од членовите на семејството се јавил во полиција рано наутро во петокот, кратко откако тинејџерот рекол дека ги пронашол своите баба и дедо мртви во нивната спална соба.
