Парламентот на Турција денеска го одобри декретот на претседателот Реџеп Тајип Ердоган, со кој се продолжува за една година мандатот на турските поморски единици распоредени во Аденски Залив, територијалните води на Сомалија,Арапско Море и соседните региони.
Продолжениот мандат на турските поморски единици почнува на 10 февруари 2026 година. Продолжувањето им овозможува на турските поморски единици да продолжат со своите операции против пиратството, вооружените грабежи и тероризмот на море во регионот на Аденски Залив, клучен за глобалната трговија.
Ердоган во декретот потсетува на резолуциите на Советот за безбедност на Обединети нации усвоени помеѓу 2008 и 2021 година, а се однесуваат на борбата против актите на пиратство и вооружени грабежи извршени во Аденски Залив, територијалните води на Сомалија, Арапско Море и соседните региони.
