- Куба навистина е нација, која е многу блиску до пропаст. Социјалистичката карипска држава порано ги добиваше своите пари и нафта од Венецуела. Но, повеќе не добива, истакна Трамп при посетата на американската сојузна држава Ајова.
Откако на почетокот на годината американските сили го уапсија претседателот на Венецуела, Николас Мадуро, администрацијата на Трамп ја заостри реториката против комунистичката Влада на Куба.
Трамп ја повика Куба да склучи договор „пред да биде предоцна“.
Односите помеѓу Хавана и Вашингтон се тензични повеќе децении. Куба сега се соочува со најлошата економска криза од револуцијата на Фидел Кастро во 1959 година и се бори со недостиг на гориво.
Иако испораките на венецуелска нафта се намалија изминатите години и се надополнуваат од Русија и Мексико, кубанската економија би можела целосно да се распадне ако САД целосно ја стопираат венецуелска нафта за Куба.
