Најмалку 120 лица беа повредени денеска кога четири вагони од патнички воз излетаа од шините во близина на селото Герза во египетската покраина Гиза откако се судрија со друг воз, недалеку од Каиро, објавија локалните медиуми.
Несреќата се случила во областа Ал Ајат, по што на местото на инцидентот биле испратени 50 амбулантни возила, екипи за цивилна одбрана и безбедносни сили, објави Галф њуз.
Повредените биле однесени во блиските болници во покраината Бени Суеф, додека болниците во Гиза биле ставени во состојба на готовност за лекување на повредените.
Машиновозачот загинал во несреќата, објави Ал Арабија.
لحظات صعبة من داخل عربات قطار العياط بعد الحادث https://t.co/Yu27pwQE5S
— Youlyou - يوليو (@youlyounews) November 8, 2026
وقع منذ قليل حادث تصادم قطارين بمنطقة جرزا بمركز العياط في محافظة الجيزة. الحادث نتج عن اصطدام قطار قادم من الخلف بآخر متجه إلى أسوان، مما تسبب في خروج 4 عربات كاملة عن القضبان وانقلابها. وأعلنت وزارة الصحة والسكان عن الدفع بـ 52 سيارة إسعاف إلى موقع الحادث، مشيرة إلى أن الحصيلة الأولية تسجل 64 إصابة دون وقوع أي وفيات حتى الآن ولله الحمد، حيث جرى نقل المصابين لمستشفيات الواسطى والعياط لتلقي الرعاية. تسبب الحادث في توقف كامل لحركة قطارات الصعيد في الاتجاهين، وتعمل فرق الطوارئ حالياً على رفع العربات المتضررة لإعادة فتح الخط.
— شاهيناز طاهر (@ChahinazTaher) November 8, 2026
Министерството за здравство првично испратило 20 амбулантни возила на местото на несреќата, но нивниот број бил зголемен на 50 откако станало јасно дека бројот на повредени е поголем од првично проценетиот.
Некои медиуми во Египет објавија дека бројот на повредени надминал 150.
Екипи за цивилна одбрана, безбедносни сили и амбулантни возила се упатиле кон местото на несреќата, додека крановите биле распоредени за отстранување на излетаните вагони од шините и расчистување на шините.
Египетското јавно обвинителство започна истрага за причините за железничката несреќа и ѝ наложи на полицијата да спроведе потребни проверки и да ги испраша сведоците и повредените патници.
Околностите на несреќата сè уште се утврдуваат, а железничкиот сообраќај во регионот останува нарушен.
