Играчката, произведена од кинеската компанија „Поп Март“, стана глобален хит, а продажбата во првата половина од 2025 година достигна 511 милиони фунти, пренесе Кликс.
Истражувачите на CLW извршиле инспекција на фабрика во кинеската покраина Џијангси, која вработува повеќе од 4.500 луѓе. Во текот на три месеци, тие интервјуирале повеќе од 50 работници, вклучувајќи тројца малолетници (на возраст од 16-17 години).
Утврдено е дека малолетни работници биле сместени на стандардни производствени позиции, без дополнителна заштита пропишана со закон. Многу работници, исто така, потпишувале празни договори и немале јасна претстава за својот правен статус.
Работниците честопати биле принудени да исполнат нереални производствени цели - тим од 25-30 луѓе морал да состави најмалку 4.000 фугури дневно. Кинескиот закон го ограничува прекувременото работно време на 36 часа месечно, но работниците честопати работеле повеќе од 100 дополнителни часа месечно.
Овој извештај на CLW ги истакнува сериозните кршења на работничките права и експлоатацијата на млади работници во фабрика која ја произведува Лабубу, една од најбараните играчки во светот.
