Авион се урна на брегот на Вотерфорд во Ирска, објави „Дејли меил“. Едно лице загина, а тројца други се повредени во несреќата.
Несреќата се случила околу 12:50 часот по локално време. Локалните власти соопштија дека во несреќата учествувал „лесен авион“, додека истражителите на воздушни несреќи рекоа дека станува збор за „двомоторен авион за општа авијација“.
BREAKING: Plane smashes into ground 'with four onboard' after mid-air emergencyhttps://t.co/AEhVatAZgT pic.twitter.com/zWUtn3Ar5Z
— The Mirror (@DailyMirror) November 20, 2025
„Бидејќи ова е активна и тековна операција, во овој момент нема дополнителни информации“, изјави портпаролот.
Единицата за истрага на воздушни несреќи (AIAU) на Министерството за транспорт го истражува инцидентот заедно со службите за итни случаи и Ирската управа за цивилно воздухопловство.
AIAU соопшти дека испраќа четворица истражители на воздушни несреќи на местото на настанот во близина на Лислин. Пратеникот на Шин Феин за Вотерфорд, Дејвид Калинан, рече дека меѓу службите за итни случаи што реагирале на авионската несреќа бил и хеликоптер за спасување.
Тој рече дека тоа е „шок“ за локалното подрачје, додавајќи дека мислите на заедницата се со оние во авионот.
