Шест лица загинаа кога мал тајландски полициски авион се урна во морето, објави АП.
Авионот, според официјалните лица, бил на пробен лет како подготовка за обука за падобранство. Иако моделот на авионот не е официјално потврден, снимките од местото на несреќата покажуваат дека станува збор за авион од типот „Викинг ДХЦ-6 Твин Отер“ со пропелер.
Авионот се урнал во близина на аеродромот Хуа Хин, во покраината Прачуап Хири Кан, соопшти локалниот оддел за односи со јавноста.
Снимките што се појавија на интернет го покажуваат моментот кога предниот дел од авионот се урива во морето. Сè се случило на околу 100 метри од брегот.
🚨 #BREAKING: Small plane crashes into sea near Hua Hin Airport in Thailand, killing 6 people and injuring 1 person.
— Breaking News Alerter (@BreakingAlerter) April 25, 2025
pic.twitter.com/JdUeU9xP5T
Како што претходно беше објавено, сите загионати биле полицајци. Петмина од нив починале на самото место, додека шестото лице починало подоцна во болница.
Причината за несреќата засега е непозната. Властите собираат докази, вклучително и податоци од црната кутија на авионот.
