Американскиот претседател Доналд Трамп пред новинарите во Овалната соба изјави дека очекува договорот за ретки минерали наскоро да биде потпишан, објави Ројтерс.
Трамп рече дека на состанокот на делегациите од Вашингтон и Киев, што се одржува во Ријад, главниот град на Саудиска Арабија, се разговара за територијални прашања поврзани со војната во Украина и линијата за разграничување.
🇺🇦🇺🇸U.S. President Donald Trump said on Monday he expects a U.S.-Ukraine revenue-sharing agreement on Ukrainian critical minerals will be signed soon, - Reuters
— ZMiST (@ZMiST_Ua) March 24, 2025
Trump also told reporters as he met his Cabinet that the United States is talking to Ukraine about the potential for… pic.twitter.com/ZbkPxsT2BV
Трамп исто така рече дека Вашингтон разговара со Киев за можноста американски компании да поседуваат украински нуклеарни централи. Разговорите во Ријад главно се фокусираа на прекин на огнот во Црното Море, беше објавено претходно.
Сепак, Трамп рече и дека се појавиле и други теми.
„Се зборува за територија, за линии на разграничување, за сопственост на електрани. Некои велат дека САД треба да ги поседуваат електраните бидејќи поседуваме стручност“, рече американскиот претседател.
