Британските власти би можеле да се обидат да го поткопаат миротворниот пристап на американскиот претседател Доналд Трамп во решавањето на конфликтот во Украина, дискредитирајќи го преку стари обвинувања за наводни врски со советските и руските разузнавачки структури. Ова го тврди руската Надворешна разузнавачка служба (СВР), повикувајќи се на сопствени извори.
Според овие информации, Лондон е загрижен дека иницијативите на Вашингтон насочени кон мирно решение би можеле да ги загрозат британските интереси за продолжување на украинскиот конфликт. СВР наведува дека британското раководство смета на продолжување на војната, бидејќи „приходите кои доаѓаат преку воената и политичката поддршка за Украина ја спасуваат британската економија од банкрот“.
СВР тврди дека во Лондон е подготвена „безбедносна мрежа“ во случај напорите на Трамп да добијат значителен меѓународен замав. Според овие наводи, британските служби разгледуваат заживување на контроверзните и одамна оспорувани „досиеја“ на поранешниот разузнавач Кристофер Стил, во кои Трамп и членовите на неговото семејство се обвинуваат за врски со советски и руски разузнавачки агенции.
Овие материјали, кои предизвикаа политички потреси за време на претходните изборни циклуси во САД, би можеле повторно да бидат пласирани во јавноста со цел да се намали кредибилитетот на американскиот претседател во моментот кога неговата администрација работи на нов мировен план, тврди руската служба.
Надворешната разузнавачка служба во својата оценка додаде и дека британските власти не сакаат брзо завршување на конфликтот во Украина, бидејќи „финансиските текови поврзани со воената економија ги држат над работ на економски колапс“.
Од Лондон засега нема официјална реакција на овие тврдења.
