Станбените згради се урнаа ноќта помеѓу 9 и 10 декември во населбата Ал Мостакбал ал Масира во округот Зуага, густо населена област со стара станбена инфраструктура, а според очевидци, голем број жители биле заробени под урнатините, објави официјалната мароканска новинска агенција МАП.
Локалните власти ги повикаа жителите да се држат подалеку од нестабилни згради и да пријавуваат ризици и видливи структурни оштетувања.
Уривањето на зградите во текот на ноќта ги обнови загриженостите за безбедноста во постарите работнички населби во Фес, каде што жителите постојано предупредуваат на дотраени градежни конструкции и постојани одложувања во реконструкцијата на објектите.
На социјалните мрежи се појави видео на кое се гледа како спасувачите копаат и расчистуваат урнатини во потрага по преживеани.
At least 19 people were killed, and 16 were injured overnight in the collapse of two residential buildings in Morocco’s northeastern city of Fez, according to local authorities. pic.twitter.com/EfMJzBkTcW
— Ariel Oseran أريئل أوسيران (@ariel_oseran) December 10, 2025
Службениците потврдија дека на семејствата раселени од уривањето на зградите ќе им биде обезбеден итен сместување и помош.
Уривањето на стари дотраени згради не е невообичаено во Мароко.
