Оваа визуелна порака, позната како фума нера, укажува дека ниту еден кандидат не го добил потребното двотретинско мнозинство, пренесе Индекс.
Папата го избираат 133 кардинали од 70 земји, што ја прави оваа конклава најразновидна во историјата на Католичката црква. Франциск назначил 108 од 133-те електори. Вкупно 52 се од Европа, 23 од Азија, исто толку од Латинска Америка, 17 од Африка, 14 од САД и Канада и четири од Океанија.
Денес гласаа само еднаш. Пред тоа, тие се собраа во Систинската капела, каде што положија заклетва за тајност и почнаа да гласаат. За време на конклавата, кардиналите се изолирани од надворешниот свет, без пристап до средства за комуникација, за да се обезбеди тајност на процесот.
За избор на папа, 267-ми по ред во два милениума црковна историја, потребно е двотретинско мнозинство, или 89 гласови.
Што е следно?
Црниот чад не е изненадување бидејќи папата не е избран во првиот круг со векови.
Гласањето ќе продолжи утре, со можност за најмногу четири круга гласање дневно, два наутро и два попладне, сè додека не се постигне консензус.
Првото гласање е закажано за почеток во 9:30 часот.
Десетици илјади верници и туристи се собраа на плоштадот „Свети Петар“, чекајќи ја веста за изборот на новиот поглавар на Католичката црква. Црниот чад вечерва укажува дека светот сепак ќе мора да чека на одлуката, односно на белиот чад што го сигнализира изборот на нов папа.
Кој има најголема шанса?
Италијанскиот кардинал Пјетро Паролин, филипинскиот кардинал Луис Антонио Тагле и унгарскиот кардинал Петер Ердо се споменуваат меѓу фаворитите за избор на нов папа.
Според аналитичарите и обложувалниците, најголеми шанси за избор на оваа конклава имаат италијанскиот кардинал Пјетро Паролин и Филипинецот Луис Антонио Тагле.
Зад нив, често се споменуваат Ганецот Питер Турксон, конзервативниот унгарски кардинал Питер Ердо, либералниот болоњски надбискуп Матео Зупи, латинскиот ерусалимски патријарх Пјербатиста Пицабала, марсејскиот надбискуп Жан-Марк Авелин, малтешкиот кардинал Марио Греч и Американецот Роберт Превост.
Сепак, не е реткост во историјата кардиналите да изберат сосема неочекуван кандидат како Карол Војтила во 1978 година.
