Канарските Острови беа под претходна тревога поради опасни крајбрежни феномени, но очигледно не сите ги сфатија сериозно предупредувањата, пишува Ел Мундо.
Бранот повлече туристи во морето
Првиот инцидент се случи на плажата Роке де Лас Бодегас во Таганана, во Санта Круз де Тенерифе, кога бран повлече шест француски туристи во морето.
Итните служби, вклучувајќи медицински хеликоптер и две екипи на брза помош, веднаш беа испратени на местото на настанот. Хеликоптер превезе една жена со умерени повреди во Универзитетската болница Нуестра Сењора де ла Канделарија. Четворица туристи беа исто така хоспитализирани со полесни повреди, додека едно лице беше лекувано на лице место.
Локалната полиција потврди дека туристите ги игнорирале поставените предупредувања и знаците за забрана за пристап.
🔴 Imágenes del momento en el que un golpe de mar arrastra a varias personas en el muelle de Puerto de la Cruz en la Cruz.
— La Radio Canaria (@laradiocanaria) November 8, 2025
➡️El SUC confirma que los heridos ya han sido trasladados a varios centros hospitalarios de Tenerife.
📡https://t.co/Rkqwj1b5KO pic.twitter.com/zHwCbVM2kh
Тело на маж беше пронајдено
Малку подоцна, околу 14 часот по локално време, службата за итни случаи 112 добила пријава за тело на маж кое плови во морето во близина на плажата Ел Кабезо во Гранадиља де Абона, на југот од островот.
Спасувачите утврдиле дека мажот е во кардиореспираторен застој и веднаш започнале со реанимација. Итната медицинска помош набрзо пристигнала и продолжила со напредни мерки за реанимација, но за жал, без успех.
Трагедија на север од островот
Само еден час подоцна, во 15 часот, се случила уште една несреќа. Уште еден силен удар на бран врз пристаништето во Пуерто де ла Круз, на север од Тенерифе, фрлил десетина лица во водата.
Припадниците на локалната полиција и минувачи веднаш дошле на помош и ги извлекле жртвите од морето. За жал, една жена била во кардиореспираторен застој. И покрај брзата реакција и напорите на службите за итни случаи, кои излегле на терен со дури пет возила, жената не можела да се спаси и била потврдена нејзина смрт.
Во истиот инцидент, уште три лица биле тешко повредени, четири биле умерено повредени, а две биле полесно повредени. Сите биле префрлени во блиските болници.
