Трагедијата се случила рано денеска во регионот Укајали, пишува Би-Би-Си.
Според полицискиот извештај што го објави новинската агенција Андина, свлечиштето го потопи фериботот и сериозно оштети друг патнички брод што превезувал десетици луѓе. Несреќата се случила околу 5 часот наутро по локално време, токму кога патниците се подготвувале да се истоварат во градот Ипарија.
Повредените се однесени во болница, додека националната полиција и перуанската морнарица го пребаруваат подрачјето за преживеани. Се стравува дека меѓу исчезнатите има и деца. Како што изјавил за АФП официјален претставник на морнарицата на Перу, спасувачките напори се многу отежнуваат од силните речни струи.
Esta madrugada se produjo un #Accidente de transporte fluvial en el distrito de #Iparia, provincia de Coronel Portillo (Ucayali), que ha dejado personas desaparecidas, fallecidas y heridas. Personal de la municipalidad provincial realiza la #EDAN. (1/2) pic.twitter.com/FFpJhAihKk
— COEN - INDECI (@COENPeru) December 1, 2025
Националниот центар за итни операции објави на социјалната мрежа X дека лизгањето на земјиштето е предизвикано од „ерозија“ на бреговите на реката Укајали, една од главните притоки на Амазон. Според агенцијата АФП, на еден од бродовите имало околу 50 лица.
Меѓу патниците имало наставници, лекари и деца, јавува Ројтерс повикувајќи се на агенцијата Андина. Властите на местото на несреќата работат со собраните семејства за да го утврдат точниот број на лица кои сè уште се водат како исчезнати. Еден од бродовите вчера отплови од Пукалпа кон речните заедници Како Макаја, Куријака дел Како и Пуебло Нуево дел Како.
