Vreme.mk - Дознај на Време.

Свет

На северот на Мексико се пронајдени 45 вреќи со човечки останки

1 јуни 2023
vesnik-fb-blue
vesnik-twitter-blue
Slika

Во вреќите пронајдени во провалија на периферијата на Гвадалахара имало останки и на мажи и на жени, соопшти синоќа државното обвинителство во државата Халиско, пренесува Асошиетед прес.

Пожарникарите и цивилната заштита со помош на хеликоптер работеле на извлекување на остатоците од клисурата, а тоа планираат да продолжат и во наредните денови. Човечките останки биле пронајдени при потрагата по седум млади лица кои биле пријавени за исчезнати минатата недела. Се уште не се знае дали тие се меѓу пронајдените останки.

Националното обвинителство соопшти дека го истражувало местото на откривање откако добиле извештај дека таму се пронајдени делови од тела. Во Мексико се бараат повеќе од 110.000 исчезнати лица, а Халиско, каде се трага по 15.000 лица, е држава со најголем број исчезнати лица. Покрај исчезнатите, има и илјадници неидентификувани останки во мртовечници и гробишта.

© Сите права на објавата се на Vreme.mk

ПРОФИЛ