Тимот на специјалниот обвинител Чо Еун-сук побара смртна казна за поранешниот јужнокорејски претседател Јун Сук-јеол поради неговото неуспешно прогласување воена состојба, опишувајќи го како водач на бунтот кој се обидел да остане на власт со преземање на контролата врз судството и законодавната власт.
Тимот на Чо Еун-сук ја побара казната за време на последното рочиште од судењето на Јун во Централниот окружен суд во Сеул, објави Јонхап.
Обвинителот побара доживотна казна затвор за поранешниот министер за одбрана на Јужна Кореја поради поддршка на воената состојба.
Поранешниот јужнокорејски претседател Јун Сук-јеол прогласи воена состојба на 3 декември 2024 година, но Националното собрание гласаше за нејзино укинување набргу потоа, што доведе до отстранување на Јун од функцијата.
