Иранските ракетни резерви се зголемени од минатогодишната 12-дневна војна со Израел, изјави вчера Маџид Мусави, командант на воздухопловните сили на Иранската револуционерна гарда, во услови на закани за интервенција од американскиот претседател Доналд Трамп и антивладини протести во Иран, објавија британските медиуми повикувајќи се на иранските државни медиуми.
„Во целосна готовност сме“, рече Мусави додавајќи дека штетите од војната се поправени и дека производството на воздухопловните сили на Револуционерната гарда во разни области се зголемило во споредба со нивоата пред јуни 2025 година.
