Кремљ претходно објави дека примирјето ќе трае 32 часа, со почеток од сабота попладне до крајот на неделата. Украинскиот претседател Володимир Зеленски го прифати предлогот, но со најава за реципрочен одговор на секое прекршување.
Украинскиот Генералштаб тврди дека руските сили го прекршиле примирјето 2.299 пати, додека руското Министерство за одбрана обвини за 1.971 прекршување од украинска страна.
И покрај извештаите за артилериски напади и инциденти со дронови во регионите Курск и Суми, на одредени делови од фронтот, како во Харковската област, ситуацијата беше оценета како „главно мирна“, што им овозможи на војниците да присуствуваат на велигденските молитви.
