Канадскиот премиер Марк Карни синоќа изјави дека војната меѓу САД и Израел со Иран претставува „уште еден пример за неуспех на меѓународниот поредок“.
Карни, во соопштение, ги критикуваше двете земји за тоа што не се консултирале со сојузниците.
Тој нагласи дека иако Канада ја смета иранската нуклеарна програма за „сериозна глобална закана“, земјата исто така повикува на „брза деескалација на непријателствата“ и е „подготвена да помогне во постигнувањето на оваа цел“.
„И покрај децениите со резолуции на Советот за безбедност на Обединетите нации, неуморната работа на Меѓународната агенција за атомска енергија и низата санкции и дипломатски рамки, иранската нуклеарна закана останува. И сега САД и Израел дејствуваа без да ги ангажираат Обединетите нации или да се консултираат со сојузниците, вклучително и Канада“, рече Карни.
Тој додаде дека „Канада потврдува дека меѓународното право ги обврзува сите завојувани страни“ и ги осудува нападите што ги изврши Иран врз цивилите и цивилната инфраструктура низ целиот Блиски Исток.
„Ги молиме сите страни, вклучувајќи ги САД и Израел, да ги почитуваат правилата на меѓународното ангажирање“, заклучи Карни.
