Амандманите им даваат на исламските судови зголемени овластувања за семејни прашања, вклучувајќи брак, развод и наследство. Активистите тврдат дека ова го поткопува ирачкиот Закон за личен статус од 1959 година, кој го обедини семејното право и воспостави заштитни мерки за жените.
Поддржувачите на промените, кои беа поттикнати пред сѐ од конзервативните шиитски пратеници, ги бранат како средство за усогласување на законот со исламските принципи и намалување на западното влијание врз ирачката култура.
Ирачкиот закон моментално одредува 18 години како минимална возраст за брак во повеќето случаи. Промените усвоени вчера ќе им овозможат на свештениците да владеат според нивното толкување на исламскиот закон, што некои го толкуваат како дозволување брак на девојчиња во раните тинејџерски години - или на возраст од 9 години во школата за исламско право Џафари, следена од многу шиити.
Парламентот, исто така, усвои закон за општа амнестија, кој се смета дека е во корист на сунитските притвореници, а тоа се смета и како „давање дозвола“ за лицата вклучени во корупција и проневера. Советот, исто така, усвои закон за враќање на земјиштето, чија цел е да се решат територијалните барања на Курдите.
Интисар ал-Мајали, активист за човекови права и член на Ирачката женска лига, рече дека усвојувањето на амандманите на законот за граѓански статус „ќе има катастрофални последици за правата на жените и девојчињата, преку бракот на девојчињата на рана возраст, што го нарушува нивното право на живот како деца и ќе ги наруши заштитните механизми за развод, старателство и наследство на жените“.
Седницата завршила хаотично со обвинувања за процедурални прекршоци.
„Половина од пратениците присутни на седницата не гласаа, што го прекрши законскиот кворум“, рече еден функционер на парламентот, кој сакал да остане анонимен бидејќи не бил овластен да коментира јавно од зградата на парламентот.
По седницата, голем број пратеници се пожалија на процесот на гласање, во кој сите три контроверзни нацрт-закони - секој поддржан од различни блокови - беа заедно изгласани.
„Што се однесува до законот за граѓански статус, ние силно го поддржуваме и немаше никаков проблем со него“, рече Раид ал Малики, независен пратеник, додавајќи дека тој е комбиниран со други закони за кои ќе се гласа заедно и дека тоа може да да доведе до правни жалби пред Федералниот суд.
Претседателот на парламентот Махмуд ал-Машадани го пофали усвојувањето на законот во изјава како „важен чекор во процесот на зајакнување на правдата и организирање на секојдневниот живот на граѓаните“.
