ИДФ во соопштението наведува дека тоа е подземен команден центар на Хезболах.
Според израелската војска, војниците пронашле оружје и неколку простории во тунелот за кои се вели дека ги користел Хезболах „за насочување на борбени операции“.
The IDF says it uncovered an underground Hezbollah command center, 25 meters below a clothing store in the southern Lebanon town of Khiam.
— Emanuel (Mannie) Fabian (@manniefabian) April 23, 2026
Inside the tunnel, the military says troops found weapons and several rooms that were used by Hezbollah "for managing the fighting." pic.twitter.com/NtcOp8pAPN
Од 2 март, израелските сили спроведуваат офанзива во Либан во која, според официјалните бројки, околу 2.300 луѓе се убиени, повеќе од 7.500 се ранети, а повеќе од еден милион луѓе се раселени.
Десетдневен прекин на огнот во Либан објави американскиот претседател Доналд Трамп на 17 април.
Денес, во Соединетите Американски Држави започнува втората рунда разговори меѓу Израел и Либан. Либан има намера да побара едномесечно продолжување на прекинот на огнот што истекува во недела.
Сепак, и покрај десетдневното примирје, израелските сили вчера убија најмалку пет лица во јужен Либан, вклучувајќи ја и либанската новинарка Амал Калил.
