Обраќајќи се на Симпозиумот за семејство, култура и уметност во главниот град Анкара, Ердоган зборуваше за, како што изјави, растечките предизвици со кои се соочува институцијата семејство. „Преземаме неопходни мерки против наметнатите обиди за елиминирање на родовите разлики и движењата како ЛГБТ, не дозволувајќи ни најмала отстапка и небрежност“, рече Ердоган.
„Никој што се грижи за судбината на земјата не може да остане рамнодушен“.
Тој нагласи дека Турција го штити семејството во период кога глобалниот капитализам отвора нови фронтови, а културниот империјализам и дигиталната средина се интензивираат низ целиот свет.
Тој, исто така, предупреди на демографска криза, велејќи дека Турција „моментално се соочува со катастрофа“. Официјалните бројки покажуваат дека стапката на фертилитет во Турција паднала од 2,38 деца по жена во 2001 година на 1,48 во 2025 година, пониска стапка отколку во Франција, Велика Британија или САД.
Ердоган истакна дека поради падот на наталитетот, „се слушаат силни аларми за иднината на Турција“ и дека „никој што се грижи за судбината на земјата не може да остане рамнодушен“.
