Часови по несреќата, додека автопатот во близина е затворен поради нулта видливост поради зимската бура, спасувачите сè уште не стигнале до местото на лавината, изјави капетанот Расел Грин од канцеларијата на шерифот на округот Невада.
„Спасувањето ќе биде бавен и тежок процес, бидејќи опасноста од нови лавини останува многу висока“, изјави Грин за KCRA-TV со седиште во Сакраменто.
WHITEOUT ❄️: Heavy snow has slammed the Sierra Nevada Mountains, evident in whiteout conditions captured on video in South Lake Tahoe, California. Since Sunday, over 30 inches of snow has been reported in numerous areas across the region. pic.twitter.com/b2XOpY3nPU
— FOX Weather (@foxweather) February 18, 2026
Лавина го погоди подрачјето Касл Пик во близина на Траки, Калифорнија, околу 16 километри северно од езерото Тахо, околу 11:30 часот по тихоокеанско време, затрупувајќи група од 16 скијачи, се наведува во објава на Фејсбук од канцеларијата на шерифот на округот Невада.
Групата се состоела од четири водичи и 12 клиенти. Најмалку шест лица преживеале и останале на местото на лавината чекајќи спасување, додека останатите се водат како исчезнати, се наведува во соопштението.
Временските услови во Сиера Невада се уште се опасни, а дополнителна активност на лавини се очекува вечер и во сабота, според канцеларијата на шерифот. Гувернерот на Калифорнија, Гевин Њусом, добил извештај за лавината, а државните власти „координирале целосна операција за пребарување и спасување“ во соработка со локалните служби за итни случаи, се наведува во објава на Икс.
