Обвинетите се идентификувани како Далерџон Мирзоев, Саидакрами Муродали Рачабализода, Шамсидин Фаридуни и Мухамедсобир Фајзов, државјани на Таџикистан.
Полиција ги донесе во окружниот суд во Басмани во главниот град на Русија, тројцата со врзани очи, четвртиот во инвалидска количка. Кај сите се видливи црни отоци околу очите, а кај еден од нив се забележува искината пластична вреќа обвиткана околу вратот. За четвртиот кој е спроведен во инвалидска количка облечен е во болничка наметка, како што известуваат британските медиуми, се онесвестил на пат кон судницата.
Групата Исламска држава, соопшти дека го извршила злосторството во петокот во градското собрание Крокус и објави видео кое подоцна беше потврдено дека е автентично.
Обвинети се за терористичкиот чин, двајца ја признале вината а сите се соочуваат со доживотна казна затвор. Според судските власти ќе бидат задржани во истражен затвор најмалку до 22 мај.
Илјадници луѓе ширум Русија и денеска со свеќа и цвеќе в рака се збогуваат со загинатите од терористичкиот напад во концертната сала „Крокус сити хол“ масакр од невидени размери до сега.
Инаку и Францускиот претседтаел Емнуал Макрон изјави дека транснационалната џихадистичка терористичка група ИСИС-К, која важи за еден од најнасилните ограноци на Исламска држава, има информации дека изминатите месеци истата група се обидувала да изврши напади во Франција. По свикување на Советот за одбрана посветен на терористичкиот напад во Москва Франција го подигна нивото на терористичка закана на највисоко ниво.
