Ова за NBC News го потврдиле два независни извори запознаени со ситуацијата.
Претседателот Доналд Трамп не може еднострано да укине федерална агенција без одобрение од Конгресот.
Планираната наредба доаѓа по повеќегодишните предизборни ветувања на Трамп за елиминирање на федералното Министерство за образование.
Just In: The White House is preparing an executive order to eliminate the Department of Education, sources familiar with the plans told NBC News. President Trump cannot unilaterally abolish a federal agency without the approval of Congress. https://t.co/cV2lL382qL
— NBC4 Washington (@nbcwashington) February 4, 2025
Во септември 2023 година, тогашниот кандидат Трамп објави видео на социјалните мрежи во кое изјави:
„Друга работа што ќе ја направам многу рано во администрацијата е да го затворам Министерството за образование во Вашингтон и да ги префрлам сите работни места и потреби за образование назад во државите.
Во истото видео, Трамп изјави:
„Американското општество колективно инвестира повеќе од 1 трилион долари годишно во јавните образовни системи, но наместо да бидеме на врвот на листата, ние сме буквално, погодувате, на дното.
Минатата недела, Трамп потпиша уште една наредба поврзана со образованието за проширување на изборот на училиште. Оваа наредба го задолжи Министерството за образование да издаде насоки за државите во рок од 60 дена за тоа како тие можат да ги користат федералните средства за унапредување на програмите за избор на училишта.
Изборот на училиште долго време беше камен-темелник на републиканската агенда. Во последниве години, значителен број држави предводени од републиканците ослободија повеќе средства за семејствата со ниски приходи да можат да ги испраќаат своите деца во приватни или чартер училишта. Неодамна, „чистењето“ или целосното елиминирање на федералното Министерство за образование стана водечка точка на политиката на Републиканската партија.
На републиканските претседателски прелиминарни избори, технолошкиот претприемач Вивек Рамасвами повика на укинување на Одделот за образование за време на кампањата во 2023 година во Пенсилванија. Поранешната амбасадорка на ОН, Ники Хејли, за време на нејзината кампања во 2023 година во Њу Хемпшир рече дека „ќе го исчисти Министерството за образование“ доколку биде избрана.
