„Тројца мажи беа убиени во нападот“, напиша Хегсет во објава на X, додавајќи дека нападот се случил во меѓународни води и дека нема повредени американски воени лица во експлозијата.
Хегсет се повика на неодредени разузнавачки наоди за да го оправда нападот, велејќи дека бродот „минувал по позната рута за трговија со дрога и носел наркотици“. Тој не прецизираше каде во Карибите бил бродот кога бил нападнат.
Во нападите досега се убиени 64 лица
„Овие наркотерористи носат дрога на нашите брегови за да ги отрујат Американците дома - и нема да успеат. Министерството ќе се однесува кон нив ТОЧНО како што се однесувавме кон Ал Каеда. Ќе продолжиме да ги следиме, мапираме, ловиме и убиваме“, рече тој.
Today, at the direction of President Trump, the Department of War carried out a lethal kinetic strike on another narco-trafficking vessel operated by a Designated Terrorist Organization (DTO) in the Caribbean.
— Secretary of War Pete Hegseth (@SecWar) November 2, 2025
This vessel—like EVERY OTHER—was known by our intelligence to be… pic.twitter.com/W7xqeMpSUi
Претседателот на САД, Доналд Трамп, постојано ветуваше дека ќе се справи со нарко-картелите.
Саботниот напад го означува 15-тиот јавно познат американски воен напад врз бродови за кои се сомнева дека шверцуваат дрога откако администрацијата на Трамп започна со операциите на почетокот на септември. Во нападите, кои се случија во Карибите и Тихиот Океан, загинаа вкупно 64 лица.
