Според американските медиуми, инцидентот се случил утрово по локално време, додека агентот ја придружувал Џил Бајден на меѓународниот аеродром во Филаделфија.
Агентот се застрелал во ногата, објави CBS News. Полициската управа на Филаделфија соопшти дека инцидентот се случил кратко пред 8:45 часот наутро на аеродромот.
Според прелиминарните извештаи, агентот случајно го испукал оружјето додека бил во необележан SUV „Шевролет“ во близина на пристапната точка 1 PIA Way и зградата Pennsylvania Tavern.
NEW - Secret Service agent accidentally shoots himself in the leg while escorting Jill Biden at Philadelphia International Airport — KYW pic.twitter.com/uZmcTM6ahS
— Disclose.tv (@disclosetv) March 27, 2026
Агентот бил однесен во болница и е во стабилна состојба, соопшти полицијата. Полицијата соопшти дека никој друг не е повреден и дека немало прекин на работењето на аеродромот.
Истрагата е во тек, а полицијата останува на местото на настанот.
