Винисиус Жуниор повторно не успеа да постигне гол. И на натпревар каде неговиот тим постигна пет гола, скапо платениот Бразилец не успеа да се запише во листат ана стрелци.
Крилниот напаѓач на Реал Мадрид беше стартер на денешниот натпревар против Бетис (5:1), но не постигна гол, а натпреварот го заврши, повторно, со добиен жолт картон.
Последниот гол на Бразилецот беше против Јужна Кореја на 10 октомври и тоа во дресот на Бразил. Оттогаш, тој одигра 18 натпревари за Реал Мадрид и бразилската репрезентација, но не постигна ниту еден гол. Оттука не случајно е целото незадоволство од неговите перформанси во клубот, но и од неговото однесувањ ево соблекувалната, затоа што се почесто се шират информации дека неговото присуство во тимот веќе создава проблеми за останатите фудбалери на „кралскиот клуб“.
