Капитенот на Ливерпул, Вирџил ван Дајк, им се извини на навивачите по убедливиот пораз од Манчестер Сити во четвртфиналето на ФА Купот, објавија денес британските медиуми.
Ливерпул претрпе тежок пораз со резултат од 0:4 на стадионот „Етихад“, оставајќи ги без шанса за трофеј во домашниот куп, па сега се надеваат на Лигата на шампионите.
Манчестер Сити ги згази своите ривали во рок од 18 минути, постигнувајќи два гола пред и по полувремето, по изедначен почеток на натпреварот.
„Можам само да им се извинам на навивачите за она што го покажавме, особено во второто полувреме“, рече Ван Дајк, како што објави Би-Би-Си.
Холандскиот дефанзивец истакна дека тимот имал намера да се врати на натпреварот веднаш по напуштањето на соблекувалната, но се случило спротивното.
„Кога губите со 0:3 тука, многу е тешко да се вратите, но не смеете да се откажете, а тоа, во еден момент, едноставно се случи“, додаде тој.
Ван Дајк нагласи дека играчите ги разочарале навивачите, себеси и тренерскиот персонал.
„Начинот на кој игравме во второто полувреме сигурно ги повреди сите. Секако ме боли и мене“, заклучи капитенот на Ливерпул.
sportmedia.mk
