Селекторот на фудбалската репрезентација на Англија, Томас Тухел, најави дека размислува за необична тактика за Светското првенство во 2026 година во САД, Канада и Мексико.
На денот кога се одржува ждрепката за најголемото планетарно натпреварување следната година, дојде неговата изјава што изненади многумина.
Имено, Тухел ја разгледува можноста резервните играчи да не бидат на клупата за време на натпреварите на Англија, туку да чекаат во соблекувалната и оттаму да ги следат настаните.
Причината е температурата на воздухот, која во некои градови за време на Светското првенство да достигне над 40 степени. Затоа Тухел верува дека на резервите би им било полесно да го гледаат натпреварот на телевизија од климатизирани простории, отколку да бидат на таква жештина.
„Ако ни помогне подоцна во натпреварот, кога ќе влезат во игра, мислиме дека е можност што можеме да ја искористиме. Никој не го сака тоа бидејќи сакам играчите да бидат тука и да ја почувствуваат енергијата и да ја пренесат енергијата од клупата на теренот, но знам каква е користа“, рече Тухел, додавајќи:
„Видов тимови и играчи како го прават тоа на Светското клупско првенство. Се надевам дека ќе можеме да го избегнеме тоа. Секогаш е подобро ако можат да бидат со нас.“
