Фудбалскиот клуб Домжале кој има 100-годишна традиција ќе банкротира. Како што објавија словенечките медиуми, по одлуката на последниот потенцијален инвеститор да се откаже од зделката, ситуацијата е таква што нема друга опција освен клубот да оди во банкрот.
„Тимот нема да продолжи со натпреварувањето, за што веќе го информиравме сојузот и побаравме помош од нив за да можеме да продолжиме со тренинзите и натпреварите во детските и младинските категории. Процедурите во врска со ова сè уште не се завршени, па затоа ги молам родителите и тренерите за малку повеќе трпение. Во овој момент не знам ништо друго“, изјави претседателот на клубот, Стане Оражем.
Шпанските инвеститори кои сакаа да го купат клубот, во неделата објавилр дека нема да инвестираат во клубот од Домжале. Официјална потврда се очекува утре.
