Уредникот за фудбалската редакција на „Дејли меил“, Оливер Холт, тврди дека знае каква казна го очекува Манчестер Сити.
Според „Дејли меил“, Манчестер Сити ќе биде казнет со одземање на „огромен број бодови“ оваа сезона, толку голем што речиси сигурно ќе испаднат од Премиер лигата во Чемпионшип дивизијата.
Дополнително, „Дејли меил“ наведува дека на Сити ќе му бидат одземени бодови и за следната сезона, но нема да се донесе одлука за испаѓање на „Граѓаните“ во Лига 2, односно последното професионално ниво на англиското фудбалско натпреварување.
Се подразбира дека Фудбалската лига на Англија, иако нема обврска да го стори тоа, ќе ја прифати идејата Сити да биде казнет во нејзиниот систем на натпреварување за следната сезона.
Дополнително, се очекува голема парична казна.
Манчестер Сити поднесе жалба откако беше објавена одлуката на Независната комисија, која го прогласи Сити за виновен по 114 од 115 обвиненија за кршење на финансиските правила на Премиер лигата.
Одлуката за казната сè уште е непозната, но Премиер лигата се надева дека самата казна ќе биде позната пред одлуката за жалбата на клубот. Одлуката за жалбата се очекува кон средината на јануари 2027 година, а сите се надеваат дека целиот процес ќе биде завршен во текот на тековната сезона. Сепак, англиските медиуми веќе ги објавуваат неофицијалните реакции на клубовите, од кои доаѓаат незадоволни мрморења бидејќи „никој не знае за што игра оваа сезона и како ќе се решат работите пред месец мај“.
sportmedia.mk
