Родриго беше еден од најдобрите играчи на Реал Мадрид во претходните сезони и постигна некои од клучните голови во трката за титулата.
Но, откако во тимот дојде Килијан Мбапе, неговото време на играње значително се намали под водство на Карло Анчелоти, и беше очигледно дека Родриго беше незадоволен од тоа и веруваше дека заслужува да игра повеќе.
Во претходните недели се појави информација дека Родриго сака да го напушти Реал Мадрид на лето, што го привлече вниманието на клубовите од Англија, а Манчестер Сити и Арсенал веднаш реагираа, покажувајќи дека се многу заинтересирани за Бразилецот. Родриго рече дека ќе се предомисли само ако Чаби Алонсо му каже да остане и дека му е потребен, што се чини дека и се случи.
Мадридски „АС“ објави дека Родриго донел конечна одлука и решил да остане во Реал, и дека клучен бил разговорот што го имал со новиот тренер.
„АС“ наведува дека Родриго никогаш не сакал да го напушти Реал Мадрид и дека тоа бил неговиот тим од соништата, но дека поради мала минутажа бил принуден да реагира за да види дали новиот тренер ќе го сфати посериозно.
Алонсо му даде до знаење на Родриго дека е во неговите планови и дека се надева дека ќе остане во клубот, но исто така искрено му кажа дека не може да му гарантира место во стартните 11 и дека секој играч мора да се бори за тоа.
Родриго беше видливо задоволен откако разговараше со шпанскиот тренер и е целосно мотивиран и решен да му се докаже на Алонсо и да покаже дека заслужува место во стартните 11, наместо да чека шанса претежно од клупата како што беше оваа сезона.
„АС“ наведува дека Родриго дефинитивно останува во Реал Мадрид и дека продажбата на која се надеваа некои клубови од Англија нема да се случи.
Исто така, единствената можност да си замине ова лето е ако целосно не успее на Светското клупско првенство и Алонсо се предомисли кога е во прашање него, но во Мадрид се сигурни дека тоа нема да се случи.
Алонсо покажа колку е посветен на Реал Мадрид иако сè уште не е официјално избран за нов тренер, а веднаш реагираше кога ги виде шпекулациите за заминувањето на Родриго.
