Менаџерот на Тотенхем, Анже Постекоглу, навести потенцијална трета сезона во клубот додека илјадници навивачи го скандираа неговото име, заедно со името на играчите кои го освоија трофејот од Лигата на Европа, за време на парадата со отворен автобус низ улиците на Северен Лондон.
Околу 150.000 навивачи го исполнија просторот околу стадионот на Тотенхем, а многумина се собраа на покривите и автобуските станици за подобро да ја видат парадата.
Постекоглу (59), кој се соочува со постојани шпекулации за неговата иднина, им навести на навивачите дека неговата желба за трета сезона во Тотенхем би можела да се оствари.
„Им кажав и се смееја. Им кажав и не ми веруваа, но еве нè“, рече Постекоглу за неговата есенска изјава дека „секогаш освојува трофеи“ во втората година во клубовите што ги води.
„Тука сме поради оваа неверојатна група луѓе, играчи и персонал, апсолутни херои, предводени од легендата Сон Хеунг-мин, Кути Ромеро, Џејмс Медисон и Гуљелмо Викарио. Сите тие се херои. Тие направија сè за вас затоа што го заслужувате тоа. Овој клуб го заслужува тоа. И ќе ви кажам нешто, третата сезона е подобра од втората. Ви благодарам“, рече Постекоглу.
— Tottenham Hotspur (@SpursOfficial) May 24, 2025
