И тоа како бурно беше на големото дерби во Португалија, во кое Бенфика и Порто ремизираа 2:2, а тренерот на тимот од Лисабон, Жозе Мурињо, се погрижи да има „трето полувреме“.
Шутирањето на топката во трибините, тепачка во соблекувалната, етикетирање на предавник…
„Што се однесува до моето исклучување, судијата вели дека ме исклучил затоа што ја шутнав топката кон клупата на Порто, што е целосно неточно. Не знам дали било три, четири или пет пати, но го направив тоа многу пати тука на стадионот Луж. Даваме гол – топката оди во трибините“, објасни Мурињо.
Инаку тој е некогашен стратег на Порто, тим со кој во 2003 година ја освои ЛШ и затоа тешко му паднаа навредите што ги доби во тунелот од страна на гостите
„Член на тренерскиот штаб на Порто, кој исто така беше исклучен и кој ме нарече предавник 50 пати во тунелот, би сакал да ми објасни – предавник на што? Предавник на што? Бев во Порто. Ја дадов душата на Порто. Отидов во Челзи и ја дадов душата на Челзи. Отидов во Интер, во Реал Мадрид, во Фенербахче. Патував низ светот и ја дадов душата насекаде. Го дадов животот. Дадов 24 часа од неговиот живот секој ден. Мислам дека тоа се нарекува професионализам“, рече Мурињо и продолжи:
“Едно е навреди од навивачите, навреди од фудбалските фанови. Ова се истите навивачи кои пред неколку години не можеа да ме пуштат да поминам низ градот без да ми се поклонат. Сега ме навредуваат. Немам апсолутно никаков проблем со тоа. Но, професионален колега да ме нарече предавник – зошто? Предавник за што? Затоа што дадов сè за Бенфика?“
