Репрезентацијата на Сенегал е првиот финалист на Купот на африканските нации, откако вечерва ја победи селекцијата на Египет со 1:0. Во судирот меѓу двете легенди на Ливерпул, Садио Мане и Мохамед Салах, победник беше капитенот на Сенегал, кој го постигна решавачкиот гол на мечот со убав шут во 78-та минута од натпреварот.
Првото полувреме беше за заборав, Сенегалците имаа забележително подолг посед на топката, но без никаква идеја да го скршат отпорот на „фараоните“, кои делуваа крајно организирано во одбраната на својот гол.
Моравме да почекаме до почетокот на вториот дел од играта за да видиме барем една солидна шанса, а потоа и оној гол на Мане кој реши се.
Во финалето на Африканскиот куп на нации, Сенегал го чека подобриот од пресметката меѓу Мароко и Нигерија.
