Најдобриот стрелец на Реал Мадрид, Килијан Мбапе, го пропушти денешниот тренинг на „кралевите“, додека се подготвуваат за реваншот од четвртфиналето на Лигата на шампионите против Баерн Минхен.
Причината за отсуството на Мбапе од тренингот на Реал е превентивна мерка, бидејќи Французинот има неколку конци на веѓата по ударот со лакт што го доби од Витор Реис на натпреварот против Џирона. Медицинскиот тим на Реал Мадрид одлучи да го изостави Мбапе од тренинг за да се спречи отворање на раната и понатамошна непријатност за напаѓачот.
И покрај повредата, Мбапе ќе биде дел од Реал на реваншот во Минхен, каде што „Лос Бланкос“ ќе се обидат да направат пресврт откако загубија со 2-1 од Баерн на „Бернабеу“.
