Посетата на Лионел Меси на Индија беше одбележана со инцидент во Калкута, каде што настана хаос откако незадоволни навивачи влетаа на теренот на стадионот „Солт Лејк“, објавија локалните медиуми.
По пристигнувањето во Калкута, Меси беше пречекан од голем број навивачи кои се собраа на улиците на градот, поради што од аеродромот беше евакуиран по алтернативна рута.
Инцидентот се случил за време на еден од планираните настани во рамки на неговата турнеја, а навивачите биле незадоволни затоа што Меси на теренот поминал само пет минути, додека најголемиот дел од времето го минал во друштво на политичари и моќници од Калкута, Западен Бенгал и Индија.
Главната министерка на сојузната држава Западен Бенгал, Мамата Банерџи, им се извини на Меси и на јавноста поради пропустите во организацијата и нареди спроведување истрага.
Меси престојува во Индија првпат од 2011 година. За време на актуелната посета е планирано да учествува на концерти, фудбалски кампови за млади, падел-турнир и хуманитарни настани во Калкута, Хајдерабад, Мумбаи и Њу Делхи.
Во Калкута, по повод неговата посета, беше поставена и статуа на Меси висока околу 21 метар, која аргентинскиот фудбалер треба официјално да ја открие за време на престојот во градот.
Angry crowd in Kolkata’s Salt Lake Stadium throwing bottles from gallery after they couldn’t see Messi properly #MessiInIndia pic.twitter.com/HxhkLsLcFl
— India Blooms (@indiablooms) December 13, 2025
𝑴𝒆𝒔𝒔𝒊 𝑴𝒂𝒏𝒊𝒂 in India 🇮🇳
80k packed stadium in Kolkata as Messi continues his tour through the country 🏟️👀
🎥 @ddsportschannel pic.twitter.com/40iye4hMtf
— 433 (@433) December 13, 2025
