Меѓународната фудбалска федерација (ФИФА) денес објави дека се продадени повеќе од еден милион билети за Светското првенство, кое ќе се одржи следното лето во САД, Канада и Мексико.
Најголема побарувачка имаше од клиенти во САД, Канада и Мексико, а билети купиле навивачи од 212 различни земји, иако само 28 од 48-те учесници се познати.
ФИФА изјави дека меѓу првите 10 земји по број на купени билети се Англија, Германија, Бразил, Шпанија, Колумбија, Аргентина и Франција.
Врз основа на бројките за посетеност, за 104 натпревари на 16 стадиони треба да се пополнат 7,1 милиони седишта. Не е познато колку од овие седишта ќе бидат достапни за навивачите во слободна продажба.
